السلام عليكم اليوم جيبالكم
افكار مشاريع جميله
افكار مشاريع جميله
جدا خصوصا بعد ما الحياه غلية بالمنظر ده وانا واحده من الناس مدرسة يعنى فى الاول والاخر موظفة وعرفين يعنى ايه طبعا موظفة يعنى مش من محدودى الدخل لا بالعكس من معدومى الدخل اهم شء فى المشروع الى هتعمله تفكر جيد فى فكرة المشروع نفسه يعنى لو معاك 1000 جنية ممكن تعمل مشروع وتكسب منه اضعاف مضاعفة وممكن لو معاك مليون جنية وفكرة المشروع مش مناسبة ليك تخسرهم كلهم بدون مبالغه فى الكلام اهم حاجة لما تيجي تفكر فى مشروع وخدوها نصيحه من واحده خبره اكتر من 15 سنة فى اقامة المشاريع منها الفاشل ومنها الناجح وداخله قليل مش مجازى ومنها الى الحمد لله ساتر بيتى رقم واحد فى اى فكرة مشروع الاتى
انك تشوف عيوبك ومميزاتك الاول
يعنى مثلا اذا كنت مش موظف وبتروح شغلك من 8 الصبح وبترجع الساعه 3 مثلا يبقى من عيوبك انك متقدرش تفتح مثلا محل يتطلب منك التواجد من بدرى او حتى التواجد اكتر من 6 ساعات عمل يوميا والا هتلتزم اول كام شهر وبعد كده حتى لو مشروعك ناجح هيفشل بسببك لاكن لو انت مثلا موظف وبترجع تقدر تشتغل حوالى 6 سعات ممكن مشروعك يكون قائم على الصناعة مثل صناعة الصابون والمشابك واسلاك المواعين والنشاره والخ ...
او التربية للطيور او الاغنام او حتى الكلاب والقطط الخ ...
المهم تختار المشروع المناسب لحياتك اليوميه علشان تقدر تكمل فيه وتختار كمان التوقيت العمل يعنى الصيف غير الشتا وفى بعض السلع الموسمية الى بتشتغل فى اوقات معينة فى السنة زى مثلا بيع الملابس او عقارات او حتى الايس كريم او الحتى تربية الحيوانات لانها لها مواسم تزاوج على مدار السنه لازم تدرس الكلام ده كويس جدا و وحاول تعرف نفسك اولا كويس وتحدد اهدافك
والاهم من اي مشروع هيتكلف كام وهكسب منه كام وهيصرف كام وده هيكفينى كويس والا لاء
الاهم من المشروع هو ممكن اخسر كام فى المشروع ده
مثلا انا جبت فى يوم من الايام وفتحت محل كاميرات مراقبة - كاميرات مراقبة وخسرت و كمان جبت عربية وشغلتها مع ابن اختى فى اوبر وكريم ودفعت المقدمة بعد سلف و بيع دهب وحجات كتير ربنا واحد الى عالم بيها على حس ان زى ما كلنا عرفين العربيه بتجيب فى اليوم الواحد 500 جنية ةقةلت بس 150000 جنية فى الشهر عسل اوى وبالفعل ابن اختى كان بيعمل حوالى 500 جنية يوميا بس الى مكنتش عامله حسابة ان شركة اوبر بتاخد على الاقل 100ج من الى 500 و العربيه بتاخد على الاقل بنزين بى 200 وكمان ابن اختى بياخد تلت الي بيطلع يعنى لو 200 جنية يبقى الى داخلى حوالى 130 جنية يوميا لو اصلا اشتغل الشهر
كله ب 130 X 30 يبقى 3900 الى هو اصلا قسط العربية كان 3500ج يعنى اغير زيت كل 10 ايام ب 400 جنية للمره يطلع اخر كل شهر علية حوالى 800 جنية ده غير ان العربيات الصينى بتفتح بقها بسهوله اشى كاوتش و خبطه وفيوز كهربه فصل وغسيل على الاقل ب 300 جنية فى الشهر وحجات تانيه كتير من العلم ان اخوات جوزى اتنين جيبينها والاتنين بيكسبه منها كويس جدا بس ده لانهم بيركبوها بنفسهم الاتنين يعنى ورديتين وكمان مفيش اجرة سواق و كمان حاجتهم اكيد هيخافه عليها اتر من اى حد باختصار لازم تشوف المشروع المناسب ليك اخيرا وليسا اخرا انا طبيخي كويس جدا وكمان بعمل فسيخ توحفه ابتديت لاول مره فى حياتى اكسب كويس لما اشتغلت على الححاجه الى بعملها بايدى و كمان بفهم فيها وكمان مناسبة لحياتى وطبيعة شغلى ابتديت على الاهل والجيرات والاصدقاء واليوم انا بكسب اكتر من 3000 جنية بدون مجهود اكتر من ساعه او 2 باليوم انت ثروتك الحقيقية افكار مشاريع كتير تناسب غيرك المهم ايه فيهم الى يناسبك على العموم ده موقع ساعدنة شوية فى افكار مشاريع كتير ممكن تعجبكم وتكون
مناسبة ليكم بالتوفيق بامر الله افكار مشاريع
افكار مشاريع
افكار مشاريع
افكار مشاريع
افكار مشاريع افكار مشاريع
تعليقات
إرسال تعليق